(Mapie)
An zétwal filé ? Suiv limyè-a ... sé mwen
(Laurianne)
Man sé Tè, man sé bwa, man sé Dlo
Man sé an djéryèz !!!
Man za wè, man za fè, Man pa pè
Man sé an djéryèz !!!!
(Boogie)
Mi bèlté, fyèté an mitan wélélé
Bwarné awmé an mòd démélé
Man ka pé, Kandaké,.. Respé dwé
mé'w dwèt ka santi dé zyé'm sé yélé
Fanm ou danjéré ! senpyè épi laPélé
Mw ki siparis, mw yonn ki pa brilé
....Man ka wè'w mannyè ou yé
.... Pa mannyè lasosyété sé lé ou yé
Lèspri'w pa koré, menm si ou ni kolyé
Ta'w sé pou pwotéjé, pa zozokléré
Otantik natirèl kon sous dlo féré
... filé kon chirijyen ka opéré
Majò ki majò . té ké pléré gwo pléré
A la plas-ou, pou vré, san èkzajéré
Man simyé enspiré'w, (fanm), pa soulé'w
Vansé ansanm épi'w, (dann), pa doublé'w
(Mapie)
Lè mwen pasé
Tout moun estébékwé
Wè mwen vansé an mannyè bòdzè
Tet bien lévé
Kouròn pé pa chapé
Mwen sé rèn tout pep neg oliwon latè
(Laurianne)
Man sé Tè, man sé bwa, man sé Dlo
Man sé an djéryèz !!!
Man za wè, man za fè, Man pa pè
Man sé an djéryèz !!!!
(Boogie)
Koulè'w pa pou doulè'w, doulè'w pa pou koulè'w
Pon sè'w fèt pou soufè, pyès frè'w fèt pou soufè,
Nou pri adan an ratjè, pri adan an ladjè
Lèspri kont la matjè, ou konnèt sa patjè
Yich TIG, ou ni tèt, ou ni zong, ou ni tjè
É ou pa tousèl, mi sé la pou wè
Pwoblenm ka touvé solisyon
Pou lamisyon ou pa-a ba moun konmisyon
pa bizwen pèsonn menm lè ni bon présyon
Pa pè, solda'w ka tjébé la pozisyon
Ansanm-ansanm kantékant djapazon
Pòté mannèv pa ni sézon
Ou radi, ou ni ras, ou sirèz, ou ni djèz,
Ou mètpyès, ou djéryèz, ou dou tou
Ubuntu pou Uhuru
Si wou ou wou, dou, nou, nou pou nou
(Mapie)
Mwen ka ouvè chimen
Kontré mové van
Mété limyè dan (lannuit la dévèn) fènwè
Mennen solda lanmou
Sé pa bèl mwen bèl
Sé djéryèz mwen djéryèz
(Laurianne)
Man sé Tè, man sé bwa, man sé Dlo
Man sé an djéryèz !!!
Man za wè, man za fè, Man pa pè
Man sé an djéryèz !!!!
(Mapie)
Mwen sé Aïssata, Ana Zinga, Kimpa vita
Harriet Tubman, Lumina, Léona, Nanny,
Rosa Parks, Nana Yaa Asantewaa, Maryse Condé
Wi… mwen sé tout fanm... Mapipi Lavi
credits
released March 8, 2024
Lyrics : Boogie Flaha x Mapie Emotion
Chant : Laurianne Lessort
Prod.: Boogie Flaha
AI art : Boogie Flaha
Mix/Master : Dj Darks
The perfect combination of potent, motivational bars and a crackling live band backdrop, Poor Legacy are out to inspire change. Bandcamp New & Notable Mar 25, 2023